Over 2,000 Kenyan Doctors Deregistered for Flouting Regulations

Udaktari, kama kazi nyinginezo, ni moja ya utaalamu ambao huchukuliwa na wananchi kuwa wa hekima kuu. Ni kazi ambayo daktari hujivunia pale mgonjwa anapopata nafuu. Sijui lakini madaktari wa nyingi kama Uswizi, Cuba na India, huifanya kazi hio tu kwa upendo, kujitolea na majivuno mengi kwa wagonjwa wao. Lakini hivyo sivyo ilivyo na hawa wa Marekani na hasa wale wa Jamhuri ya Kenya. Mle Kenya, madaktari huyaweka maslahi yao mbele ya wagonjwa wao. Hata ingawa madaktari hawa husomeshwa na mali ya umma, kinyume na hapa Marekani ambapo daktari anapofuzu, huwa na deni inayokadiriwa kuwa kati ya $250,000-$500,000, ambao ni mkopo ambao anatarajiwa kuulipa baada ya kufuzu. Lawama zinazoelekezwa madaktari wa Kenya ni za kuogofya, kuchukiza, kulaaniwa, kishetani na hasa madhambi wanayowatendea aagonjwa wao. Visa vya madaktari kuonekana hospitalini kwa masaa mawili, kisha kutoweka hadi kliniki zao, ni bayana. Madaktari kutibu wagonjwa magonjwa yasio, kuwa wagonjwa madawa yasiofaa, wizi wa madawa na vifaa vya serikali, kupokea mlungura wa kati ya asilimia kumi hadi kumi na tano kwa kutoka sehemu nchi mbali mbali ulimwenguni, ni bayana. Katika miaka ya 2015-2018, madaktari wa Kenya walipokea kiinua mgongo kinachozidi mabillioni ya Rupees kutoka mahospitali hasa India(Mumbai na Delhi) na Afrika Kusini. Katoka visa vingi nilizoshuhudia, Madaktari wa Kenya hushirikiana na hospitali na na madaktari wa Mumbai na New Delhi pale wanapoelekeza wagonjwa katika hospitali zao. Kuna makampuni chungu nzima ambayo ni ya madaktari hawa hawa ambayo humtafutia mgonjwa hospitali, kibali cha kusafiria, kibali cha kuitembelea nchi hizo, tiketi ya ndege, pahala pa kuishi wakiwa ugenini, hospitali na madaktari watakao washughurikia hadi watakaporudi nyumbani. Yote haya kwa gharama ya wagonjwa hawa. Na kwa sababu hawataki kupatikana wakipokea hongo hizo, wao hununua tiketi ya kwenda hospitali hizo ili kuzopokea. Wanaoumia sana ni wagonjwa wanaougua maradhi ya saratani ambao gharama kulipia hospitali huwa ya juu sana, kati ya R2.5 millioni hadi R8.0 miliioni. Pia magonjwa kama vile ya moyo, figo, na maini yamelengwa na madaktari kwani ndio yanayowapa kiwango kikubwa cha rupees. Ni katika miaka ya 2016 na 2017 tulipopokea habari kwamba takriban madaktari wa Kenya 8000 walikuwa wanachunguzwa na wizara ya afya kuhusiana na jama hizo za kuwanyonya wagonjwa. Hata hivyo, uchunguzi huo ulififia pole pole na waweza kubahatisha kilichofuata baadaye. Habari kuwa zaidi ya 2000 wameng'olewa kutoka orodha ya madaktari walioruhusiwa na jopo hilo kuwa madaktari ni hila tu ya kuficha wanayoyatenda.