Siku Ya Kurudi Jamhuri Itakapowadia, Yapi Yatakayokuzuzua?

Wanabii wa maneno waneno wananena, "Iwepo ni Mashariki au Magharibi, nyumbani ndiko kwema." Hata hivyo kuna wengi ya Wakenya waishio ughaibuni ambayo huyu uneni kwao, ni mzaha tu. Lakini ukweli upo wapi? Bila hata kusita, ni ukweli kwamba, kwa njia moja au nyingine, sote tumekwama ijapo ni kuamua kuishi kuketi Marekani na kwinginepo, au kwendelea na maisha ya pata potea, yaani unafanya kazi usiku kucha, kasha unachopokea kinayeyuka punde tu unapoupokea mshahara huo.

Maisha hapo Marekani, zikiwemo nchi zinginezo za Magharibi, ni sarakasi ya pata potea, pata lilipia, au mzunguko wa kupata na kulipwa jasho lako, kasha zote zinawaendea wanaokupa huduma za kila aina. Na ukweli ni kwamba, wanaofaidika katika sokomoko hilo ni watengenezaji bidhaa unazozitumia wewe na wengineo wanaokupa huduma zinginezo za kila aina, ingawa nyingi huzihitaji, ila zenyewe zanahitajika. na ni baada ya miaka nenda, miaka rudi, ndipo wewe unapoaanza kujiuliza maswali, " Je, ni kweli kwamba maisha yangu yanazunguka kwa kasi katika sehemu ile ile tu?" Kulipa umeme, simu, maji, mahitaji ya nyumbani na jamaa yako, na kadharika.

Lakini hata hivyo, maswali chungu nzima yanakusokota na kukukera moyoni, " Nifanye lipi?" "Nichukue hatua gani kutatua masaibu yanayonisibu?" Je, nimtegemee yupi aniokoe kutoka janga hili nililojitumbukiza mwenyewe/" Ninapotazama Wamarekani katika nchi hii, maswali mengi hunijia. Wale waliotenda tendo la kuvunja sheria, waliowatariki wachumba wao, waliovuta au kutumia madawa ya madawa, au waliotenda hili na lile lililohifadhiwa katika maktaba ya walinda usalama na sheria, kweli wakaazi wa nchi hii wamo taabani.

Lakini kwetu tulotoka kwingineko, hali sio kama ya Wamarekani wa nchi hii. Nikisema tuna suluhisho makhususi ya kukabiliana, au kukwepa majanga yanayowakabili wengi, nitakuwa mbaya wa kusema yasiyo ya kweli. Ukweli wa mambo ni kuwa, ni muhimu kwetu sisi sote, kujitahadhali na kujitayarisha pale mambo yatakapogonga mwamba. Wengi hawatakubaliana nami, lakini ukweli ni kwamba" unapopanda mbegu"za maisha kwa kununua au kupata cheti cha kile utakachokiita chako, "Matumaini ya maisha yangu," kwa kupanda mbegu itakayokusaidia katika siku za baadaye.

Sio mwiko utakapokulazimu wewe kwa hili na lile. Ninachosema hapa kwamba, jipangia maisha yako ya baada, katika mazingira yatakayo kufaidi wewe. Lakini unapobaini kwamba maisha hayatobadirika hadi pale utakapojibizana na, zama mwenyewe. Lakini suluhisho kamili ni kufikiria na kuzungumzia sawa sawa, na pengine kufikiria jinsi utakapofunga virago vyako na kurudi tulikotoka miaka kadha iliopita. Je, yako ni yapi? Yangu kwangu imo tayari, hasa wakati huu ninapoelekea kustaafu. Je uko tayari? Yangu tu ni kukupungia mkono wa kwaheli hasa nnapochukua hatua ya kubadirisha wakati na masaibu mengine

By J. Idavethi